Í gegnum árin hafa íslenskir nemendur unnið fjölbreytt rannsóknar- og nýsköpunarverkefni og kynnt þau á alþjóðlegum vettvangi.
Fyrri verkefni hafa fjallað um allt frá umhverfi, tækni og heilbrigði til samfélagslegra spurninga, gervigreindar og stjörnufræði. Það sem þau eiga sameiginlegt er skýr spurning, vönduð vinna og vilji til að gera samfélaginu gagn.
Sigurverkefni í landskeppni hafa fengið tækifæri til að fara áfram fyrir Íslands hönd í European Union Contest for Young Scientists, EUCYS.
Vífill Harðarson rannsakaði hvort nýta mætti hliðarafurð við framleiðslu lýsis til að búa til sápu. Með verkefninu vildi hann stuðla að betri nýtingu auðlinda við Íslandsstrendur.
Menntaskólinn í Hamrahlíð
Herdís Ágústa Linnet og Hafþór Freyr Líndal lentu í öðru sæti 2017. Þau rannsökuðu hvort og hvernig Barnasáttmála Sameinuðu þjóðanna er framfylgt á Íslandi við móttöku barna á flótta.
Ungmennaráð Barnaheilla
Lilja Ýr Guðmundsdóttir og Ingibjörg Sóley Einarsdóttir þróuðu hugmynd að tölvuforriti sem gæti nýtt heilabylgjur til að framkvæma aðgerðir.
Menntaskólinn í Reykjavík
Súsanna Katarína Sand Guðmundsdóttir og Kristín Björg Þorsteinsdóttir rannsökuðu áhrif ösku úr Eyjafjallajökulsgosinu á grasvöxt.
Framhaldsskólinn í Mosfellsbæ
Elvar Kató Sigurðsson, Friðgeir Óli Guðnason og Örn Bjartmars Ólafsson skoðuðu hugmynd um mjólkurbúð þar sem hægt væri að fylla mjólk á endurnýtanlegar glerflöskur.
Framhaldsskólinn í Mosfellsbæ
Hinrik Ragnar Helgason hannaði lausn á vandamálinu sem fylgir því að heyrnartólasnúrur flækjast í vasa, tösku eða við daglega notkun.
Framhaldsskólinn í Mosfellsbæ
Kári Már Reynisson setti fram hugmynd að tæki sem gæti lesið og flutt taugaboð milli taugaenda eða vöðva.
Menntaskólinn Hraðbraut
Magni Rafn Jónsson og Sigurður Freyr Kristinsson þróuðu umhverfisvæna lausn sem ætlað var að auka veggrip bíla í hálku.
Iðnskólinn í Reykjavík
Lilý Erla Adamsdóttir, Valdís Ösp Jónsdóttir og Una Guðlaug Sveinsdóttir þróuðu samfellu sem leiðbeinir foreldrum við ungbarnanudd. Verkefnið varð síðar grunnur að fyrirtækinu Cuddle Me.
Menntaskólinn á Akureyri
Elísa Guðrún Brynjólfsdóttir, Eva María Þrastardóttir og Stefán Þór Eysteinsson skoðuðu lyktarskyn katta og hvort hægt væri að þjálfa þá til lyktarleitar.
Verkmenntaskóli Austurlands
Hrafn Þorri Þórisson rannsakaði áhrif fjölbreytilegs umhverfis á þróun sköpunargáfu með líkani af skordýrum, þróun og vélrænni greind.
Fjölbrautaskólinn við Ármúla
Anna Sigríður Kristjánsdóttir, Bryndís Guðmundsdóttir og Böðvar Sturluson settu fram tillögu að húsi sem nýtti sólarorku, vindorku og jarðvarma.
Fjölbrautaskólinn í Ármúla
Íslenskt lið hlaut fyrstu verðlaun í Evrópukeppni ungra vísindamanna fyrir verkefni um vetrarbrautarþyrpingu, rauðvik ljóss og þyngdarlinsuáhrif. Sigurliðið var skipað þeim Jóel Karli Friðrikssyni, Páli Melsteð, Sverri Guðmundssyni og Tryggva Þorgeirssyni
Menntaskólinn í Reykjavík
